БІРІККЕН БҰЙРЫҚ 

Қазақстан Республикасы Білім және ғылым министрлігіне бағынысты білім беру ұйымдарының объектілерінде 2009 жылғы Қазақстан Республикасы халқының ұлттық санағын жүргізу туралы  

Астана қаласы 

Қазақстан Республикасы Үкіметінің 2007 жылғы 28 қарашадағы №1138 "2009 жылғы Қазақстан Республикасы халқының ұлттық санағы туралы" қаулысын іске асыру мақсатында және Қазақстан Республикасы Премьер-Министрінің орынбасары Ө. Шөкеевте өткен отырыс Хаттамасының                 3-тармағын орындау мақсатында, БҰЙЫРАМЫЗ:

1.    Қазақстан Республикасы Білім және ғылым министрлігіне бағынысты білім беру ұйымдары жергілікті мемлекеттік статистика органдарына:

орналасқан мекен-жайын көрсете отырып, бағынысындағы білім беру ұйымдарының бекітілген Тізімін;

мекеме және өңірлер бөлінісінде білім беру ұйымдарына қарасты тұрғын объектілерінде тұрақты тұратын оқушылар тізімін 2008 жылдың 1 тамызынан 2009 жылдың 6 наурызына дейінгі кезеңде оқу сыныптары және курстары бойынша бөліп ұсынады.

2.    Осы бұйрықтың орындалуын бақылау Қазақстан Республикасы Статистика агенттігі төрайымының орынбасары Н. Баяновқа, Қазақстан Республикасы Білім және ғылым министрлігінің жауапты хатшысы                  Ф. Қуанғановқа жүктелсін.

3.    Осы бұйрық қол қойылған күнінен бастап күшіне енеді.

      _____________ А. Мешімбаева                ____________ Ж. Түймебаев