2012 жылғы қаңтарда өнеркәсіп өнімдерін өндіруші кәсіпорындар бағасы 1%-ға төмендеді

         Ағымдағы жылғы қаңтарда 2011 жылғы желтоқсанмен салыстырғанда өндірушілер бағасы кен өндіру өнеркәсібінде 1,3%, өңдеу өнеркәсібінде – 0,5%-ға төмендеді. Өндірілген өнім 1,1%-ға арзандады, өндірістік сипаттағы қызметтер – 0,2%-ға қымбаттады.

Өндіруші-кәсіпорындардың өнеркәсіп өнімдеріне баға өзгеруі

                                                                                                                      пайызбен, өсуі+, төмендеуі- 

	2012ж. қаңтар
	2011ж. желтоқсанға	2011ж. қаңтарға	2010ж. желтоқсанға
Өнеркәсіп өнімдері, өндірістік сипаттағы қызметтерді қоса	-1,0	13,7	19,1
Өндірілген өнім	-1,1	14,3	20,0
Өндіріс құралдары	1,6	12,3	13,4
Аралық тұтыну өнімдері	-1,3	15,6	21,7
Тұтыну тауарлары	0,1	5,9	9,3
Өндірістік сипаттағы қызметтер	0,2	5,7	8,4

 

Өткен айда металл кендеріне, бензинге 2%-дан, сұйытылған пропан пен бутанға, мұнайға – 1,2%-дан, көмірге – 0,3%-ға бағаның төмендеуі, олардың керосинге – 2,7%, отындық мазутқа – 1,7%, табиғи газға – 0,3%-ға жоғарылауы белгіленді.

Бір айда баға алюминийге - 5,5%, қара металдар илегіне – 3,5%, асыл металдарға – 1,7%-ға төмендеді, мысқа – 1,1%, ферроқорытпаларға – 0,6%, өңделмеген мырышқа – 0,3%-ға жоғарылады.

Қара бидай ұны 4,9%, бидай ұны – 3,7%, жармалар – 3%, сүт өнімдері – 1,3%, балық – 0,7%, макарон өнімдері – 0,5%, нан – 0,3%-ға арзандады, шай - 2%, мал еті – 1,8%, құс еті – 0,5%-ға қымбаттады.