Статистика өмір шындығын сандар арқылы көрсетеді. Ол мемлекеттік мәселелердің дұрыс шешімін қабылдау үшін, олардың алдын алу үшін, сонымен қатар қоғам мен тұтасымен елдің даму  динамикасын бақылау үшін қажет.

Біз әрқашан жұмысымыздың стандарттарын және қызметкерлердің біліктілігін арттыруға тырысамыз. Біз халықаралық және шетелдік әріптестермен ынтымақтастық үшін әрқашан ашықпыз және баршаға пайдалы болуға қуаныштымыз.

Жақын арада Агенттікпен статистика саласындағы халықаралық ынтымақтастықты жаңа деңгейге жеткізу бойынша жұмыстар жүргізілетін болады. Бұл дегеніңіз, Қазақстан жақын болашақта өзге дамушы елдердің статистикалық әлеуетінің дамуында көмек көрсете алады деген сөз.

Халықаралық ынтымақтастық саласындағы біздің жұмысымыз баршамызға ең жақсы нәтижелер әкеледі деп үміттенемін.  

                                                                                                           Әлихан Асханұлы Смайылов

                                                                                                                             Төраға